Հայաստանի Հանրապետություն «Տիգրան Մեծ» բարեգործական հիմնադրամ | պաշտոնական կայք` www.tigranmets.org. Технологии Blogger.

Sports

Games

понедельник, 26 сентября 2016 г.

Ապրիլի 2-ին զոհված հետախույզ Աղասի Ասատրյանի հայրը, կիրականացնի իր որդու երազանքը

«Ղարաբաղյան պատերազմի վետերանների միություն» հասարակական կազմակերպությունը, ՀՀ նախագահ Սերժ Սարգսյանի հանձնարարականով և տնօրինությամբ, շարունակում է ապրիլյան պատերազմական գործողությունների ընթացքում զոհված զինծառոյողներին, կամավորականներին և նրանց ընտանիքներին նվիրված, «Մենք ձեզ հետ ենք» խորագրով ծրագիրը, որի շրջանակներում, պատերազմական գործողությունների ընթացքում, զոհվածների ընտանիքներին են այցելում, նրանց կցված կուրսանտներն ու արցախյան պատերազմի մասնակիցները:

Սեպտեմբերի 24-ին, ՀՀ պաշտպանության նախարարության Մարշալ Արմենակ Խանփերյանցի անվան ռազմական ավիացիոն համալսարանի և Վազգեն Սարգսյանի անվան ռազմական իստիտուսի լավագույն սաները, ղարաբաղյան պատերազմի վետերանների հետ միասին, ևս մեկ անգամ այցելեցին, իրենց բարեկամը դարձած ընտանիքներին:
Ղարաբաղյան պատերազմի վետերանների միության փոխնախագահ, Սեյրան Չիլինգարյանը, Ա. Խանփերյանցի անվան ռազմաավիացիոն համալսարանի կուրսանտ Գևորգ Վարդանյանի հետ, այցելեց Մասիս քաղաք և հյուրընկալվեց, ապրիլի 2-ին, Թալիշում ընկած հերոսներից մեկի՝ հետախույզ Աղասի Սարմենի Ասատրյանի տանը:
Մասիս քաղաքում, նրանց միացավ նաև, ապրիլյան գործողությունների մասնակից «Հայդուկ» նորաստեղծ ջոկատի անդամ Գագիկը:

Մեզ հետ զրույցում, ՂՊՎՄ փոխնախագահ, Սեյրան Չիլինգարյանը նշեց. «Մեր պատվիրակությանն ընդունեց Աղասի ասատրյանի տատիկը: Անակնկալ այցելության պահին պարզվեց, որ հերոսացած հայորդու հայրը՝ Սարմեն Ասատրյանը տանը չէ, սակայն նկատեցինք, որ դեռևս զինծառայության մեկնելուց առաջ, Աղասի Ասաստրյանի ձեռքերով հիմք գցած ու կիսակառույց մնացած տան շիրանարությունը շարունակել է և որ 1-ին հարկի պատերը, գրեթե ամբողջոթյամբ շարված են: Նրա հայրը որոշել է իրականացնել, իր մահացած որդու երազանքը»:

Հայկ Կիսեբլյան

Սեպտեմբերի 27-ը, ԱԻՄ-ի օրն է. Պարույր Հայրիկյան

Պարույր Հայրիկյանն, իր ֆեյսբուքյան էջում գրում է.
«Վաղը ԱԻՄ-ի օրն է, այսինքն՝ ԱՄԿ-ն ընդհատակից դուրս բերելու եւ բացայայտ գործունէութեան անցնելու 29-րդ տարին է լրանում։ Նշելու ենք, բայց ուզում եմ յիշել թէ հատկապէս ի՞նչ էր տեղի ունեցել, աւելի ճիշտ հատկապէս որ քայլն ենք նշանակլի համարել։ Խնդիրն այն է, որ ԱՄԿ-ն ընդհատակից դուրս բերելու փորձեր արել ենք դէռ 1974 թ.-ից։ 
Յետագայ տարիներին նոյնիսկ սովետի սահմանադրութեան յօդուածի թուահամարով բան էինք մտածել, 85 թուականից մանաւանդ Ռազմիկ Մարկոսեանի եւ Սուսաննա Աւագեանի հետ քննարկում էինք հայ անկախականների միաւորում ստեղցելու հարցը։ ԱԻՄ (ԻՆՔՆՈՐՈՇՄԱՆ ներառմամբ) անուան մասին հստակ պայմանաւորուել ենք արդէն նաեւ Մովսէս Գորգիսեանի ու Մեխակ Գաբրիէլեանի մասնակցութեամբ 1987-ի գարնանը։ Այդ դէպքում հատկապէս ինչո՞ւ է առանձնացուած ՍԵՊՏԵՄԲԵՐԻ 27-ը։ Թերթում եմ ձեռքիս տակ եղած ԱԻՄ պաշտօնական կանոնադրութիւնները՝ 1992թ., 1998թ., 2002 թ. եւ 2004թ.։ Առաջինի ԱԻՄ տօները եւ յիշատակի օրերը բաժնում Սեպտեմբերի 27-ի մասին ոչինչ չկայ, բայց սկսած 1988 թ.-ից բոլոր կանոնադրութիւնների նոյնանուն գլխում (վերջին մասում) գրուած է՝ Բացի վերոյիշեալ տօներից ԱԻՄ-ը նշում է յունիսի 17-ը՝ Գ.Նժդէհի յիշատակի....սեպտեմբերի 27-ը ՝ ԱԻՄ հիմնադրման ....օրերը։ Նաեւ ամեն տարի յատուկկ նշում ենք եւ հիմա օգնութեան կարիք եմ զգում։ Կարող են օգնել յատկապէս հին աիմականները»:

Հա´յ մարդ, սիրի´ր հայոց հողն ու ջուրը. այսօր «երկրորդ Մաշտոցի» ծննդյան օրն է

Տեր Զաքարիա վարդապետ Բաղումյանն, իր ֆեյսբուքյան էջում գրում է.
«Այսօր ԿՈՄԻՏԱՍ ՎԱՐԴԱՊԵՏԻ` «երկրորդ Մաշտոցի» ծննդյան օրն է: Մի հայորդու, որի գիտակցական ողջ կյանքն անմնացորդ նվիրում էր իր ժողովրդին և նրա ստեղծած հոգեմտավոր հարուստ ժառանգությանը: Իրականում այս հանճարի գաղտնիքը շատ պարզ է` նա սնունդ էր առնում և ուժ ստանում հայոց հողից և ոգևորվում հայ մարդու ստեղծած աննման գանձերով: Սիրելինե´ր, հոգևոր պատերազմն այսօր էլ շարունակվում է տարբեր դրսևորումներով, որի նպատակը մեկն է` կտրել մեզ ազգային արմատներից, մեր հայկյան ինքնությունից և հեռացնել հենց Կոմիտասի նախանշած ուղուց:
Իսկ Կոմիտասի ծննդյան պատգամն անփոփոխ է` հա´յ մարդ, սիրի´ր հայոց հողն ու ջուրը, կառչա´ծ մնա լուսավոր նախնիներիդ հավատքին, զորացի´ր Խորենացիով, Ս. Թարգմանչաց սերնդով, Նարեկացիով ու Շնորհալիով` հեռու մնալով անճաշակությունից, ռաբիսությունից ու ժամանակավորից»:

воскресенье, 25 сентября 2016 г.

Ռազմական պատրաստության դասընթացներ «Մեծն Տիգրան» աշխարհազորային գնդում

Հովսեփ Ղազարյանն իր ֆեյսբուքյան էջում գրում է.
««Մեծն Տիգրան» Աշխարհազորային գունդը, կազմակերպում է ռազմական պատրաստության դասընթացներ. 20-40 տարեկա Արական և Իգական սեռի Հայորդիների համար: պարապմունքները անվճար են, ընդհանուր ծրագրում..... կրակային պատրաստության հիմունքներ,տակտիկական պատրաստություն.ինժիներական պատրաստություն, քարտեզագիտություն: Կրոնական և կուսակցական պատկանելիությունը կարևոր չէ: Զանգահարել 098 48 22 66»:



среда, 14 сентября 2016 г.

Հայդուկ ջոկատի անդամները, ցավակցում և աղոթակցում են. Վահագն Բաբայանի վերջին հարցազրույցը

Հայդուկ ջոկատի անդամները, ցավակցում և աղոթակցում են, ջոկատի հրամանատար Ջերմուկի Համոյի՝ Մուշեղ Վահագնի Բաբայանի ընտանիքին և Բաբայան գերդաստանի անդամներին, Վահագն Բաբայանի մահվան կապակցությամբ:
Հայրենի հողը կորցրեց, իսկ երկնային արքայությունը ստացավ մի հայորդու, ով անմնացորդ սիրում էր իր ազգն, ինչը բազմիցս ապացուցվել է, իր որդիների ու թոռների ժառանգած հայրենասիրությամբ և արիությամբ, որվքեր կշարունակեն ապրել և արարել ու բարձր պահել, 12 զավակների հայր, Վահագն Բաբայանի գերդաստանի պատիվը:
Հիշատակն արդարոց օրհնությամբ եղիցի։



Ձեզ ենք ներկայացնում, Վարդուհի Գասպարյանի տեսանյութը
Օպերատոր՝ Սրապիոն Գևորգյան

Աշտարակում տեղի ունեցավ, տեղի Հայորդյաց տան բացման արարողությունը

Սեպտեմբերի 14-ին Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի հանդիսապետությամբ տեղի ունեցավ Աշտարակի Հայորդյաց տան բացման արարողությունը: Այն Մայր Աթոռ Սուրբ Էջմիածնի հովանու ներքո գործող ութերորդ Հայորդյաց տունն է և ամբողջությամբ հիմնանորոգվել է «Գուլամիրյան» հիմնադրամի միջոցներով: 
Վեհափառ Հայրապետին ուղեկցում էին Վանորեից տեսուչ Գերաշնորհ Տ. Արտակ եպիսկոպոս Տիգրանյանը, Վարչատնտեսական բաժնի տնօրեն Գերաշնորհ Տ. Մուշեղ եպիսկոպոս Բաբայանը և Ս. Էջմիածնի լուսարարապետ Գերաշնորհ Տ. Հովնան եպիսկոպոս Հակոբյանը: 
Հայորդյաց տան մուտքին Ամենայն Հայոց Կաթողիկոսին դիմավորեցին Արագածոտնի թեմի առաջնորդ Գերաշնորհ Տ. Մկրտիչ եպիսկոպոս Պռոշյանը, Հայորդյաց տների հոգևոր տեսուչ Հոգեշնորհ Տ. Կոմիտաս վարդապետ Հովնանյանը, թեմի հոգևոր սպասավորներ, Մայր Աթոռ Ս. Էջմիածնի բարերարներ և հայորդյաց տան սաներ: 
Մանուկների ծափողջույնների ուղեկցությամբ «Գուլամիրյան» հիմնադրամի նախագահ տիար Մայքլ Հարաթունյանը և նրա տիկին Մարի Հարաթունյանը կտրեցին մուտքի կարմիր ժապավենը, և «Հրաշափառ» շարականի երգեցողության ներքո Նորին Սրբության գլխավորությամբ ներկաները մուտք գործեցին Հայորդյաց տուն:
Կառույցի նախասրահում նախագահությամբ Ամենայն Հայոց Հայրապետի նորաբաց Հայորդյաց տան օրհնության կարգ, որից հետո Նորին Սրբությունը և հյուրերը շրջեցին կրթական հաստատությունում` ծանոթանալով հայորդյաց տան պայմաններին, այցելեցին դասասենյակներ, ծանոթացան սաների ձեռքի աշխատանքներին:
Այս բերկրալի առիթով Հայորդյաց տան դահլիճում տեղի ունեցավ հանդիսություն, որը բացվեց Տ. Կոմիտաս վարդապետ Հովնանյանի ողջույնի խոսքով: Հայորդյաց տների հոգևոր տեսուչը, իր ուրախությունը հայտնելով երկու տարվա տքնաջան աշխատանքից հետո Աշտարակի Հայորդյաց տան բացման առիթով, ի մասնավորի ընդգծեց, որ Հայորդյաց տներն այն վայրն են, որտեղ ձևավորվում է վաղվա լավ ու արժանապատիվ հայը: Հայր Կոմիտասը նաև իր երախտագիտությունը հայտնեց Վեհափառ Հայրապետին, «Գուլամիրյան» հիմնադրամին և նրա նախագահին` Աշտարակի մանուկների համար կրթական պատճաշ պայմաններ ստեղծելու կապակցությամբ: 
Այնուհետև հանդես եկան Հայորդյաց տան պարային և ժողովրդական գործիքների խմբերը: 
Մանուկների ելույթներից հետո իր սրտի խոսքը ներկաներին փոխանցեց Աշտարակի քաղաքապետ Արմեն Անտոնյանը՝ կարևորելով Աշտարակի կյանքում Հայորդյաց տան բացումը: Քաղաքապետը շնորհակալություն հայտնեց Նորին Սրբությանը Աշտարակին նման արժեքավոր հաստատություն պարգևելու համար: Վերջինս վստահություն հայտնեց, որ այն կդառնա քաղաքի մշակութային դիմագիծը ներկայացնող մի կարևոր կառույց` նպաստելով նաև մարզի նմանատիպ հաստատությունների ընդհանուր կրթական մակարդակի բարձրացմանը: 

Իր խոսքը ներկաներին ուղղեց նաև «Գուլամիրյան» հիմնադրամի նախագահ տիար Մայքլ Հարաթունյանը` մեծ պատիվ նկատելով բացման արարողությանը ներկա գտնվելը և արձանագրելով այն հսկայական փոփոխությունները, որ տեղ են գտել երկու տարիների ընթացքում: Պրն. Հարաթունյանը, մեծապես կարևորելով Հայորդյաց տների առաքելությունը հայ մանուկների կրթության և դաստիարակության գործում, հիշեց Գուլամիրյան ընտանիքի այցը Հայաստան և հանդիպումը Հայոց Հայրապետի հետ, որի արդյունքում ազգանվեր ամոլը, չունենալով զավակներ, որոշում կայացրեց իր միջոցներն ուղղել ի նպաստ Հայաստանի մանուկների տարբեր ծրագրերի իրականացմանը:
Հանդիսությունն ամփոփվեց Գարեգին Բ Ամենայն Հայոց Կաթողիկոսի օրհնության պատգամով: Նորին Սրբությունը համոզում արտահայտեց, որ կերպարանափոխված և ամբողջապես բարենորոգված հաստատության մեջ մանկավարժները նոր խանդավառությամբ կկատարեն իրենց աշխատանքը, և լավագույնս կկրթվեն Աշտարակ քաղաքի մանուկները: 
Այս կապակցությամբ Վեհափառ Հայրապետն աղոթքով հիշեց Գուլամիրյան ընտանիքին, որ իր կարողություններն ի սպաս դրեց Հայրենիքին և ժողովրդին: Նորին Սրբությունն իր օրհնությունը բերեց «Գուլամիրյան» հիմնադրամի նախագահ տիար Մայքլ Հարաթունյանին, ով, հավատարիմ Գուլամիրյան ամոլի տեսիլքին, հանձ առավ հիմնադրամի միջոցները նպատակաուղղել այս օրհնյալ ու շնորհակալ գործին:

Ամենայն Հայոց Կաթողիկոսն իր օրհնությունը բերեց նաև հանդիսությանը ներկա Մայր Աթոռի բարերարներին, որոնց թվում` Սիլվա և Իրմա Տեր-Ստեփանյան քույրերին, Կիրակոս Գույումջյանին` շնորհակալություն հայտնելով ազգային կյանքի շինության գործում իրենց կողմից ներդրվող ջանքերի և միջոցների համար: Նորին Սրբությունը ողջունեց նաև ԱՄՆ Հայոց Արևելյան թեմի Հայ Օգնության Ֆոնդի տնօրեն Գառնիկ Նանագուլյանի ներկայությունը:
Իր խոսքում Վեհափառ Հայրապետը գնահատանք հայտնեց Աշտարակի քաղաքապետին՝ Հայորդյաց տան խնդիրների նկատմամբ հոգատար վերաբերմունք ցուցաբերելու համար, նաև իր օրհնությունը բաշխեց Հայորդյաց տան աշխատակազմին՝ տնօրեն Կարինե Գևորգյանի գլխավորությամբ, ովքեր անսակարկ նվիրումով, սիրով և նախանձախնդրությամբ իրականացնում են իրենց կրթադաստիարակչական առաքելությունը: 
Վերջում Ամենայն Հայոց Կաթողիկոսը օրհնեց Հայորդյաց տան կայացմանը նպաստած անձանց, ինչպես նաև հայ ազգային կյանքը շեն ու պայծառ պահելուն ուղղված բոլորի ջանքերը:

четверг, 8 сентября 2016 г.

Յոթ պատգամ ուսուցիչներին, Սինգապուրից

1. Երբեք պետք չէ հեղինակավոր տեսքով սեփական մտքի գերազանցությունն ի ցույց դնել:

2. Որեւէ ձեւով չհարկադրեք հավանություն տալու ձեր ասածներին ու դատողություններին:

3. Առիթ մի ստեղծեք, որ սովորողը կարծի, թե հավակնություն ունեք իրենից ավելի խելոք ու խելացի երեւալու:

4. Պաշտպանեք սեփական կարծիքը, ցույց տալով, որ այն անչափ կարեւոր է ձեզ համար, սակայն հարկ եղած դեպքում պատրաստ եք խորհել դրա մասին:

5. Հնարամտություն է պետք շոշափվող նյութն ամբողջությամբ չսպառել եւ հնարավորություն տալ դրա մեջ բացահայտումներ անելու:

6. Խուսափեք ձեր մասին երկար խոսելուց եւ անդադար ձեր կյանքից օրինակներ բերելուց:

7. Ի նկատի ունեցեք, որ դասը որքան էլ ոգեշունչ լինի, ձեր կարծիքով անչափ կարեւոր ու հետաքրքիր՝ հավասարապես չի կարող հետաքրքրել բոլորին: Հարգանք մատուցեք նաեւ պերճախոս լռությանը:

«Կանա» կենտրոնի առաջիկա հանդիպումների շարքը նվիրված է Սուրբ Մկրտության խորհրդին

Կնքահայրե՛ր, սանիկնե՛ր, մկրտվողների ծնողնե՛ր,
Նավասարդ սրբազանի օրհնությամբ «Կանա» կենտրոնի առաջիկա հանդիպումների եռօրյա շարքը նվիրված է Սուրբ Մկրտության խորհրդին:

Առաջին հանդիպումը տեղի կունենա սեպտեմբերի 15-ին՝ ժ. 19.00-ին, Արարատյան Հայրապետական թեմի առաջնորդարանում:

Հանդիպումը կվարեն Տեր Տաճատ ավագ քահանա Դավիդյանը և Տեր Զգոն քահանա Աբրահամյանը:
Մեր հատուկ հյուրն է երգահան, հաղորդավար Ավետ Բարսեղյանը:

Եռօրյա դասընթացի ավարտին ակտիվ մասնակիցները թեմի կողմից կարժանան վկայագրերի: Մուտքն ազատ է, սակայն անհրաժեշտ է նախապես գրանցվել: Հասցեն. Ռ. Իսրայելյան 21, առաջնորդանիստ Ս. Սարգիս եկեղեցու հարևանությամբ: Հեռ. 58 47 22

Հ.Գ. Առաջարկեք մյուս երկու հանդիպումների հյուրերին:

среда, 7 сентября 2016 г.

Չեն հասկանում. Մելինե Մաթևոսյան

Չեն հասկանում ցավն ի՞նչ է, 
Մինչև ցավից չեն մեռնում, 
Չեն հասկանում լացն ի՞նչ է, 
Մինչև հոնգուր չեն լացում:

Չեն հասկանում վերքն ի՞նչ է, 
Մինչև որ այն չի սպիանում, 
Չեն հասկանում հուրն ի՞նչ է, 
Մինչև կրակից չեն այրվում:

Չեն հասկանում վախն ի՞նչ է, 
Մինչև վախից չդողան, 
Ի՞նչ իմանան սերն ինչ է, 
Մինչև ձեռք ձեռքի չտան:

Ա՜խր մարդը ի՞նչ իմանա, 
Աշխարհն ի՞նչ է,կյա՜նքն ինչ է, 
Մինչև լույս աշխարհ չգա, 
Ոչի՜նչ, ոչի՛նչ, ոչի՜նչ է...


Գյումրեցի գեղանկարչուհի և բանաստեղծուհի Մելինե Մաթևոսյանի բանաստեղծություններից

Լույսն ու հույսը. Մելինե Մաթևոսյան

Երազների անսպառ հույսը՝ 
Լու՜յս է տալիս, 
Երազների անսպառ լույսը՝ 
Հու՜յս է տալիս:

Ա՜խ, ինչքան ժամանակ է, 
Դու ինձ այցի չես գալիս, 
Հույս ու լույս է իմ ուզածը, 
Ինչու՞, ինչու չես տալիս:

Վախենում եմ գա մի օր, 
Հանգի լույսը երազներիս, 
Վախենում եմ կորցնեմ հույսս, 
Խոր անկյունում մտքերիս:

Վախենում եմ կորցնեմ հույսս, 
Անդադար քեզ սպասելիս, 
Առանց հույս չի ապրի սերս, սիրելիս, 
Նա կտանջվի՜ ու կտանջի սրտիս:

Մելինե Մաթևոսյան